बूढानीलकण्ठ, असोज २६ गते । 

स्वस्थ्य जिवनको लागि खेल,राष्ट्रको लागि खेल भन्ने मान्यताको साथ बुढानीलकण्ठ ७ मा रहेको बि.एम.जे.रिलोडेड क्लबले फ्रेण्डस् एण्ड फिटनेस लाई आफ्नो नियमित कार्यक्रम बनाउँदै तेस्रो बि.एम.जे.दशैं कप २०८० सेभेन A साईड फुटसल प्रतियोगिता साथै दशैंको शुभकामना आदान प्रदान र पिकनिक कार्यक्रम गर्ने भएको छ ।

नेपालीहरुको चाड पर्वको रुपमा लिईने दशैं,तिहार र छठ नजिकिदै गर्दा यसलाई भब्यताको साथ मनाउन बिभिन्न संघ, संस्था,क्लबहरुले आफु अनुकुल कार्यक्रमहरु गर्ने परम्परा आज भोलि पनि कायमै रहेको छ ।

यसैबिच वि.एम.जे. रिलोडेडको प्रतियोगिता यहि असोज २७ गते शनिवार बिहान ६ बजे बाट ११ बजे सम्म कपन स्पोर्टस् को फुटसल मैदानमा हुन लागेको हो ।

प्रतियोगितामा माउन्ट कन्चनजंघा,माउन्ट चोओयु,माउन्ट एभरेष्ट,माउन्ट ल्होत्से,माउन्ट मनासलु गरि ५ टिमले भाग लिने आयोजकले जानकारी गराएको छ ।

कार्यक्रमलाई भब्य र सभ्य बनाउन यतिबेला आयोजक टिमका सबै सदस्यहरु अहोरात्र खटिरहेको आयोजक क्लबका अध्यक्ष पवन खत्रीले जानकारी गराएका छन् ।
यो क्लबले यसभन्दा अगाडी पनि बिभिन्न सामाजिक कामहरुमा सकृय सहभागिता जनाउँदै आएको छ ।