बुढानीलकण्ठ, पौष ०१ गते ।
बुढानीलकण्ठबाट २०८० कात्तिक २७ गते देखी हराईरहेका २ जना बालिका फेला परेका छन् ।
सोलुखुम्बु थुलुङ दुध कोसी गा.पा.वडा नं.०३ घर भई हाल बुढानीलकण्ठ वडा नं.०१ तौलुङ बस्ने बर्ष १९ वर्षिया सलिना राई र रामेछाप उमाकुण्ड गा.पा.वडा नं.०५ घर भई हाल बुढानीलकण्ठ नगरपालिका वडा नं. ६ बस्ने १५ वर्षिया सरस्वती रसाईली फेला परेका हुन् ।
विगत १ महिना देखी सम्पर्कमा नभएको हुँदा प्रहरी प्रभाग बुढानीलकण्ठबाट खटिएको टोलिले दुई जनालाई टोखामा देखिएको सुचनाको आधारमा आज टोखा, गणेश मन्दिर नजिकै फेला पारी सम्बन्धीत आफन्तलाई जिम्मा लगाएको प्रहरी प्रभाग बुढानीलकण्ठ प्रमुख योगराज खतिवडाले जानकारी दिनुभयो ।
