बूढानीलकण्ठ, भाद्र ०८ गते । 

नेपालको लागि शिक्षा र अनुसन्धान केन्द्र CERIN (Center for Education and Research in Nepal ) द्वारा बूढानीलकण्ठ नगरपालिका नगर स्तरीय “अन्तर विद्यालय फुटसल प्रतियोगिता” को आयोजना हुने भएको छ । प्रतियोगिता भाद्र २२, २३ र २४ गते गरि तीन दिन सञ्चालन हुनेछ।

प्रतियोगिता अन्तर्गत बूढानीलकण्ठ नगरपालिका भित्र सञ्चालित विद्यालयहरु बिच प्रतिस्पर्धा हुने आयोजकले जनाएको छ ।

विद्यार्थीलाई कक्षा कोठाभित्र तथा पाठ्यपस्तक बिच मात्र सिमित नराखी अन्य अतिरिक्त क्रियाकलापहरुमा समेत सक्रिय गराउने उद्देश्य सहित सो प्रतियोगिताको आयोजना गरिएको हो ।

यस कार्यक्रमको मुख्य उद्देश्य विद्यार्थीहरुको खेलकुद क्षमतालाई अभिवृद्धि गर्ने र साथै खेलकुद क्षेत्रमा रुची रहेका विद्यार्थी लगायत सो खेलकुद क्षेत्रमा सहभागिता गराउने हो ।

यसमा भाग लिन इच्छुक व्यक्ति तथा खेलाडीको उमेर कम्तिमा १२ वर्ष तोकिएको छ ।

प्रतियोगिताको खेल गाम्चा स्थित भद्रकाली फुटसल एण्ड रिक्रिएसन सेन्टरमा सञ्चालन हुनेछ।

कार्यक्रम बारे थप जानकारीका लागि सम्पर्क नंः

राम न्यौपानेः ९८४३७१७०९४

अशोक दाहालः ९८४३७०३६४७

फारम को लागि यहाँ क्लिक गर्नुहोस् ।