बूढानीलकण्ठ, श्रावण १२ गते ।
पेशागत मोटर साइकल मेकानिक सम्बन्धी १० महिने तालिमका लागि ईच्छुक व्यक्तिहरुलाई नगरपालिकाले अवसर दिएको छ ।
बूढानीलकण्ठ नगरपालिका र बालाजु स्कूल अफ साइन्स एण्ड टेक्नोलजीसँग भएको सम्झौता अनुसार मिति २०७९ श्रावण १५ गतेदेखी सञ्चालन हुन गइरहेको हुँदा पेशागत तालिम लिन ईच्छुक व्यक्तिहरुलाई अवसर आएको हो ।
यस तालिम अन्तर्गत नगरपालिका भित्रका प्रत्येक वडाबाट १ जना महिला र १ जना पुरुष गरी दुई जना सहभागी हुन पाउने व्यवस्था छ ।
तालिममा सहभागी हुन सम्बन्धित वडा कार्यालयमा सम्पर्क राख्नु हुन नगरपालिका शिक्षा, युवा तथा खेलकुद महाशाखाले जानकारी दिएको छ ।
