बूढानीलकण्ठ, श्रावण ११ गते । 

डब्लु.बि.सि. (WBC) मोई थाई नेपालले बूढानीलकण्ठ नगरपालिकामा दोस्रो पटक “डब्लु.बि.सि. राष्ट्रिय च्याम्पियन प्रतियोगिता” आयोजना गर्न लागेको छ ।

बूढानीलकण्ठ वडा नं ०५ डाँडागाउँमा मोईथाई खेलको विकास एवं खेल संस्कारको प्रवर्धन गर्दै खेलाडिलाई प्रशिक्षण गरी शिप प्रस्फुटन तथा खेलाडि उत्पादन गर्ने लक्ष्यका साथ स्थापना भएको ‘डब्लु.बि.सि. मोई थाई नेपालले गल्फुटार स्थित अमुप्रस्थ व्याङ्कवेट हलमा प्रतियोगिता अर्थात ‘फाईट’ सञ्चालन गर्न लागेको हो ।

बूधबार एक पत्रकार सम्मेलन मार्फत फाईट शनिवार ११ बजे बाट सुरु हुने आयोजकले जानकारी दिएको छ । जसमा ‘मेन ईभेन्ट’ , ‘को-मेन ईभेन्ट’ सहित अन्य ४ वटा फाईटहरु सञ्चालन हुने छन् ।

“Fight to Empower Women” भन्ने मुल नारा सहित महिला सश्क्तिकरण र जागरुकताकालाई विशेष प्राथमिकतामा राखि खेल सञ्चालन हुन लागेको अध्यक्ष राजु राईले बताए । यसपालिको ‘मेन ईभेन्ट’ पनि महिला समुहबाटै तेजि गुरुङ र करिस्मा कार्कि विच रहेको छ । मेन ईभेन्ट फाईटका बिजेतालाई डब्लु.बि.सि.च्याम्पियनशिप बेल्ट, मेडल र नगद ८० हजार सहित सम्मान गरिने राईले बताउनुभयो । उप-विजेताले भने २४ हजार सहित मेडल पाउने व्यवस्था छ ।

यस्तै ‘को-मेन ईभेन्ट’ मा सन्तोष खत्रि र सोनाम छिरिङ शेर्पा भिड्नेछन् । यो ईभेन्टका विजेताले नगद ३० हजार र उपविजेताले १५ हजार सहित मेडल पाउने छन् ।

साथै ‘लिड कार्ड फाईट’ खेलहरुमा सुस्मिता तामाङ V.S सुरक्षा, बुरथोङ राई V.S. आयुश कायस्था वडाकाजि कमल थापा V.S. करण थापा, ग्यानेन्द्र सिंह V.S. शिरिष भुजु रहेका छन् । ‘लिड कार्ड फाईट’ का विजेताले नगद २० हजार पाउने छन् भने उपविजेताले १० हजार पाउने छन् ।

डब्लु.बि.सि. (WBC) मोई थाई नेपालले खेलाडोहरुलाई अन्तराष्ट्रिय स्तरका प्रतियोगितामा प्रतिस्पर्धा गर्नका लागि तयारी गरिरहेको सचिव दिपक तामाङले जानकारी दिनुभयो । यस प्रतियोगिता पनि सोहि तयारीको एक महत्वपुर्ण  शृङ्खला रहेको उहाँले बताँउनुभयो ।

यो पनि पढ्नुहोस्ः

डब्लु.बि.सि. (WBC) भनेको के हो ?

ड्ब्लु.वि.सि (WBC) अर्थात वर्ल्ड बक्सिङ् परिषद मोइ थाई  सन् २००४ मा थाईल्याण्डको बैठकबाट विश्व बक्सिङ्ग परिषद अर्न्तगत बिश्वभर प्रोफेसनल खेलाडीहरु उत्पादन गर्ने उद्देश्यका साथ स्थापना भएको एक मुनाफा रहित संस्था हो । यस संस्था को प्रधान कार्यालय थाइल्यान्डको बैङ्ककमा छ । यस खेलको सम्पूर्ण निति नियमहरु (बोर्ड अफ स्पोर्ट ) खेल प्राधिकरण थाईल्याडले नै निर्धारण गर्ने गरेको छ । नेपालमा यस संस्थाको स्थापना २७ अगष्ट २०२१ मा बूढानीलकण्ठ नगरपालिका वडा नं. ०५ डाँडागाउँमा भएको हो ।

ड्ब्लु.बि.सि. मोइ थाई नेपालको उद्देश्यहरुः

– नेपालमा यस मोइ ईको विकास एवं मोइ थाई खेल संस्कारको प्रवर्धन गर्ने ।

– नेपालभर यस डब्लू.बि.सि. मोइ थाई शाखाहरुको स्थापना गर्ने ।

– नेपालका खेलाडी तथा युवा हरुलाई यस खेल प्रती प्रेरित गर्ने र यस खेलका फाईदा हरु बारे जानकारी गराउने ।

– वार्षिक कार्यक्रम तालिका सहितको भित्तेपात्रो प्रकाशित गर्ने ।

– यस संस्था बाट राष्ट्रिय तथा अन्तराष्ट्रिय खेलको आयोजना गर्ने ।

– अन्तराष्ट्रिय मान्यता सहितको डब्लु बि.सि. मोड थाइको बेल्ट, मेडल तथा प्रमाण पत्रहरु बनाउने तथा बिजेता खेलाडी हरुलाई वितरण गर्ने ।

प्रतिक्रिया

सम्बन्धित खवर

ताजा समाचार

लोकप्रिय