बूढानीलकण्ठ, ज्येष्ठ ०६ ।
बूढानीलकण्ठ नगरपालिकाकाे प्रमुख पदमा आज मिठ्ठाराम अधिकारी र उप-प्रमुख पदमा अनिता लामाले पदबहाली गर्नु भएको छ ।
प्रमुख अधिकारीले जिल्ला न्यायधिश एवं काठमाडौं जिल्ला मुख्य निर्वाचन अधिकृत राजु कुमार खतिवडा समक्ष सपथ लिनु भएको थियो भने उप-मेयर लामाले नगर प्रमुख समक्ष सपथ लिनु भएको हो ।
नवनिर्वाचित वडा अध्यक्ष तथा सम्पुर्ण सदस्यहरूले पनि बूढानीलकण्ठ नगरपालिकामा आयोजित औपचारिक कार्यक्रममा नगरप्रमुख समक्ष सपथ ग्रहण गर्नु भएको छ ।
कार्यक्रममा निर्वाचित जनप्रतिनिधिलाई सम्मानसहित प्रमाणपत्र समेत प्रदान गरिएकाे थियाे ।
२०७९ सालकाे स्तानीय तह निर्वाचनमा निर्वाचत ६७ प्रतिनिधीहरू आजबाट नै आफ्नाे कार्यभार सम्हाल्ने छन् ।
निवर्तमान नगरप्रमुख उद्धव प्रसाद खरेल, निवर्तमान उपउप्रमुख रमा देवी राई, प्र.प.अ. भुवनेश्वर लामिछाने तथा नगरपालिका कर्मचारीहरूले प्रमुख मिठ्ठाराम अधिकारी र उपउप्रमुख अनिता लामालाइ बूढानीलकण्ठ नगर कार्यपालिकाकाे कार्यालयमा स्वागत गर्नु भएको थियो ।
निरवर्तमान प्रमुख खरेल र उप-प्रमुख राईले उहाँहरुलाई सफल कार्यकालको शुभकामा सहित आवश्यक सहयोगको लागि सधै तयार रहेको समेत बताउनुभएको थियो ।
