बूढानीलकण्ठ, चैत्र २३ गते ।
नागार्जुन नगरपालिकाको आयोजनामा संचालित उपत्यका व्यापी उपमेयर कप फुटसल प्रतियोगितामा बूढानीलकण्ठ नगरपालिका फाइनलमा प्रवेश गरेको छ ।
उपत्यका सबै नगरपालिका तथा उप-महानगरपालिकाका तर्फबाट उपस्थित १३ टिममा बूढानीलकण्ठ नगरपालिका र आयाेजक नागार्जुन नगरपालिका फाइनलमा प्रवेश गर्न सफल भएकाे छ ।
बूढानीलकण्ठ नगरपालिका र चन्द्रागिरी नगरपालिका बिच भएको सेमीफाइनल खेल १-१ गोलको बराबरी भए संगै टाई ब्रेकरमा पुगेको खेलमा बूढानीलकण्ठ नगरपालिका वडा नं ०९ बस्ने संजिब लामाको उत्कृष्ट बचाउका कारण बूढानीलकण्ठले जित हात पार्न सफल भएको हो ।
यस खेलमा बूढानीलकण्ठका सबै वडाका प्रतिनिधित्व गर्दै बूढानीलकण्ठका उत्कृष्ट खेलाडिहरु सहभागी भएका छन ।
