बूढानीलकण्ठ, माघ ०६ गते । बुढानीलकण्ठ नगरपालिकामा पछिल्लो २४ घण्टामा ५३ जनामा कोभिड-१९ संक्रमण देखिएको छ । नगरपालिका जनस्वास्थ्य महाशाखाले “उच्च जोखिममा रहेका र संकास्पद व्यक्तिहरुको ‘एन्टिजेन’ परिक्षण” सम्बन्धि दैनिक प्रतिवेदन मार्फत संक्रमितहरुको विवरण सार्वजनिक गरेको हो । यो सँगै नगरपालिकाको कुल संक्रमित संख्या ८४६ पुगेको छ ।
विवरण अनुसार नगरपालिकामा हाल सम्म गरिएका परिक्षणबाट संक्रमित नतिजा २०.९ प्रतिशत देखिएको छ । आज मात्र गरिएको परिक्षणको नतिजामा ६७.९ प्रतिशत संक्रमितहरु देखा परेका हुन् ।
महाशाखाको प्रतिवेदन अनुसार पछिल्लो २४ घण्टाको विवरणः
एन्टिजेन परिक्षण संख्याः ७८ (३६ जना महिला र ४२ पुरुष )
संक्रमीत संख्याः ५३ (२२ जना महिला र ३१ जना पुरुष)
नगरपालिकाको हालको विवरणः
एनटिजेन परिक्षण संख्याः ४०४८ (१९२८ जना महिला २१२० पुरुष)
संक्रमित संख्याः ८४६ (४०० जना महिला र ४४६ पुरुष)
