बूढानीलकण्ठ, पौष १८ गते । बूढानीलकण्ठ नगरपालिका वडा नं ०९ स्थित कुमारी मंदिर, मण्डिकाटारमा निः शुल्क दन्त शिविर सञ्चालन भएको छ । वडा नं ०९ श्री कुमारी युवा क्लब र अहमदिया संघ नेपालको संयुक्त आयोजनामा भएको उक्त शिविरबाट ९७ जनाले प्रत्यक्ष सेवा पाएका छन् ।
श्री कुमारी युवा क्लबका सदस्य राम चन्द्र गौतमका अनुसार शिविर मण्डिकाटार स्थित प्रदिप डेण्टल क्लिनिकमा सञ्चालन भएको हो । उक्त शिविरमा दन्त विषेशज्ञहरु द्वारा निःशुल्क परिक्षण, उपचार तथा परामर्श गरिएको थियो ।
वडा नं. ०९ को सक्रिय युवा क्लब श्री कुमारी युवा क्लबको सक्रियतामा भएको उक्त शिविरमा पुर्व प्रधानमन्त्री सल्लाहकार डा. राजन भट्टराई, वडा नं ०९ कार्यबाहक अध्यक्ष सुमित्रा त्रिपाठि पाण्डे, अहमदिया संघ नेपालका प्रतिनिधिहरु लगायत श्री कुमारी युवा क्लबका सक्रिय सदस्यहरुको उपस्थिति थियो ।
कार्यक्रममा चिकित्सक, नर्स लगयात सहयोगी संघ संस्थाहरुलाई वडा नं ०९ कार्यबाहक अध्यक्ष सुमित्रा त्रिपाठि पाण्डेले फुलमालाका साथ विशेष सम्मान गर्नु भएको थियो ।
