बूढानीलकण्ठ, पौष १४ गते । बूढानीलकण्ठ नगरपालिका वडा नं ०८ स्थित जग्ननाथ मंदिर नजिकको चोकमा आगलागी भएको छ । आज बिहान करिव ९ बजे विद्युतको तार सर्टसर्किट भई लागेको आगोलाई नगर प्रहरीहरुको टोलिले नियन्त्रण गरेका छन् । आगलागि भएको घटना प्राप्त हुनासाथ परिचालन भएको नगर प्रहरीको टोलिले सकृयताका साथ नियन्त्रणमा लिएका हुन् ।

“तल्लो भंगालको सुन्दरवस्ती र कागज कार्खाना जाने विचको चोकमा भएको उक्त घटनामा विद्युतको तारहरु जलेर स्थानीयलाई समेत असर पर्ने स्थिति भएको थियो , हाम्रो टोलिले FIRE EXTINGUISHER, बालुवा र पानिको सहायताले स्थितिलाई समयमै नियन्त्रण गरी अन्य क्षति हुन बाट जोगाउन सक्यौ”, नगर प्रहरी जवान लक्षमण खत्रीले बताउनुभयो । यस कार्यमा स्थानीय र नेपाल प्रहरीले समेत सकृयताका साथ सहयोग गरेको खत्रिले जानकारी दिए ।

आगलागि नियन्त्रण गर्नका लागी विगतमा लिएका ‘विपद प्रतिकार्य’, ‘CADRE’, ‘आगलागि नियन्त्रण तथा उद्दार प्रशिक्षण’ जस्ता तालिमहरुले निकै मद्दत गरेको टोलिले बताए । टोलिले आगोलाई नियन्त्रण गरी घटना स्थलमा रहेको तारहरुलाई विद्युत प्राधिकरणको सहकार्यमा व्यवस्थापन समेत गरेका छन् ।