बूनपा वडा नं. ०९ स्थित एकताबस्ती सेताे गणेशबाट ज्याेतीनगरसम्म सडक कालाेपत्रे (आस्फाल्ट) गरिएकाे छ । यस अघि एकताबस्ती एरियाकाे भित्री सडकहरूमा पनि कालाेपत्रे (प्रिमिम्स) भइसकेकाे छ ।
आ.व. २०७७/०७८ काे नगरपालिकाबाट वडालाइ विनियाेजित बजेट बाट याे कार्य सम्पन्न गरिएकाे हाे ।
कुल ५० लाख लागतमा याेजना पास भए लगतै काेभिड १९ काे दाेस्राे लहरले निम्त्याएकाे लकडाउन, बर्षा याम, चाडपर्व तथा अन्य कारणहरूले गर्दा स्थगित हुन गएतापनी, यहि मंसिर ८ गते कार्य सम्पन्न भएकाे वडा नं. ०९ कार्यबाहक अध्यक्ष सुमित्रा त्रिपाठी पाण्डेले बताएका छन ।
कालाेपत्रे गरिएकाे सडक १७५.५ वर्ग मिटर र ३ मिटर बाक्लाे रहेकाे टेन्डर प्राप्त कम्पनी बागमती डेभलाेपर्स एण्ड कन्सट्रक्सन प्रा.लि. का प्रतिनिधिले बताएका छन।
