लैङ्गिक हिंसा विरुद्धको १६ दिने अन्तराष्ट्रिय अभियान संचालनका लागि बूढानीलकण्ठ नगरपालिका जनसंख्या तथा सामाजिक समावेशीकरण महाशाखाले छलफल कार्यक्रम संचालन गरेकाे छ । छलफल कार्यक्रममा उपस्थित सबैले नोभेम्बर २५ देखि डिसेम्बर १० सम्म अभियानका क्रममा गर्ने याेजनाहरू बारे छलफल गरेका छन ।
कार्यक्रममा प्रजनन स्वास्थ्य,आर्थिक स्वतन्त्रता, लैङ्गिक हिंसा विरूद्धकाे शिक्षा र आत्मरक्षा प्रशिक्षण समेतका महिला सशक्तिकरणका याेजनाहरू बारे छलफल भएकाे छ ।
“घरबाटै सुरु गरौँ, महिला हिंसा अन्त्य गरौँ” नाराकालाइ सार्थक पार्न कार्यक्रमहरूलाइ हरेक वडामा र घरमा पुर्याउनु पर्ने उप-प्रमुख राईले बताएका छन ।
उप-प्रमुख रमा देवी राई अध्यक्ष रहेकाे यस कार्यक्रममा नगरपालिका अन्तर्गतका रहका महिलाकाे विकास तथा सशक्तिकरणमा काम गर्ने संघ संस्थाका प्रतिनिधी तथा वडा वडाबाट महिला जनप्रतिनिधीहरूकाे उपस्थिती रहेकाे थियाे।
