बूढानीलकण्ठ, कार्त्तिक १७ गते । शुभ दिपावलिको तथा तिहारको अवसरमा रंगोलि र झिलिमिलि बत्तिले सजिएको नगरपालिकाको कार्यालय भवन परिसरमा देउसीँ भैलो कार्यक्रम आयोजना भएको छ ।
नेपालिहरुको महान चाड तिहारको अवसरमा नेपाली संस्कृति र परम्पराको जगेर्ना गर्दै नयाँ पुस्ताहरुमा स्वर्णिम संस्कृतिको सकरात्मक सन्देश प्रबहा गर्न, समाजका सदस्यहरु तथा शुभचिन्तक मित्रगणहरु बिच पारस्परिक सम्बन्धलाई सबल, प्रगाढ र सुमधुर बनाउनुको साथै शुभकामना आदन प्रदान गर्न कार्यक्रम आयोजना भएको थियो ।
नगरपालिकाका सम्पुर्ण शाखा अधिकृत, कर्मचारी लगायत जनप्रतिनिधिहरु समेत उपस्थिति रहेको कार्यक्रममा नगर प्रमुख उद्धव प्रसाद खरेलले नगरपालिका सँग सम्बन्धित सम्पुर्ण सरोकारवालाहरुलाई तिहारको शुभकामना प्रदान गर्नु भएको छ । त्यस पश्चात प्रमुख खरेलले देउसीँ भैलोको पारम्परिक भाका भट्टाउदैँ कार्यक्रमको सुरुवात गर्नु भएको थियो ।
उपस्थित सबैले आ-आफ्नो शैलि र परमपराका देउसीँ भाका भट्टाउँदै कार्यक्रमको शोभा कायम राखेका थिए । कार्यक्रमको दोस्रो चरणमा नाचगान तथा साँगेतिक प्रस्तुति समेत भएको थियो ।
