बूढानीलकण्ठमा जारि छैठौँ बूढानीलकण्ठ नगरकप फुटबल प्रतियोगिता अन्तर्गत बिहिबार फाइनल खेल हुँदै छ । प्रतियोगिताको फाईनल अर्थात समापन खेल वडा नं ०४ शिवपुरि युवा क्लब र वडा नं ०३ को शिवपुरि नवजाग्रिति क्लब बिच हुन लागेको हो ।
मंगलबार भएको पहिलो सेमिफाईनल खेलमा वडा नं ०४ शिवपुरि युवा क्लबले वडा नं १३ चुनिखेल चुनिदेवि क्लबलाई ३-० गोल र दोस्रो सेमिफाईनल खेलमा वडा नं ०३ शिवपुरि नवजाग्रिति क्लबले वडा नं ०२ वासिकु क्लबलाई टाईब्रेकरमा ४-३ गोलले पराजित गरे सँगै दुई टिमले फाईनल खेलमा आफ्नो स्थान सुरक्षित गरेका हुन् ।
पहिलो, दोस्रो, चौथौँ र पाँचौँ बूढानीलकण्ठ नगरकप फुटबल प्रतियोगिताको उपाधि जितेका शिवपुरि युवा क्लब र तेस्रो बूढानीलकण्ठ नगरकप फुटबल प्रतियोगिता हात पार्न सफल रहेका शिवपुरि नवजाग्रिति क्लब बिचको फाईनल खेल एकदमै रोमाञ्चक रहने दर्शकहरुको अनुमान रहेको छ ।
खेल प्रेमि तथा दर्शकहरुको विश्लेषण अनुसार प्रतियोगिताको सुरुवाति चरणको प्रदर्शन देखिनै दुवै टिम उपाधिको दावेदार मानिएका थिए ।
बूढानीलकण्ठ युवा समाज द्वारा असोज २० गते देखि बूढानीलकण्ठ स्कुल खेल मैदानमा संचालन भईरहेको छैठौँ बूढानीलकण्ठ नगरकप फुटबल प्रतियोगितामा विभिन्न वडाका १९ टिम सहभागि थिए ।
असोज २८ गते बिहिबार दिउँसो २ बजे बूढानीलकण्ठ नगरकप छैठौँ संस्करणको बिजेता घोषणा एंव समापन समारोह हुने भएकोले सम्पुर्ण नगरवासि तथा खेल प्रेमिहरुलाई आयोजकले निमन्त्रणा गरेको छ ।
बूढानीलकण्ठको बहुचर्चित खेल प्रतोयोगितालाई सव्य र भव्यरुपमा सम्पन्न गराउनको लागि समापन समारोहमा आवश्यक स्वास्थ्य मापदण्ड अपनाई मार्यादित रुपमा उपस्थित भईदिनुहुन अनुरोध समेत गरेको छ ।
