बूनपा वडा नं. १३ मा भाद्र १३ देखि प्रथम चुनिखेल युवा परिषद कप सुरू भएकाे छ । बालुवाखानी स्थित श्रेष्ठ स्वीमिङ पुल एण्ड फुटलसमा संचालन भइरहेकाे दुइ दिने प्रतियाेगीतामा वडा भित्रका विभिन्न उमेर समूहका युवाहरू खेलिरहेका छन ।
१० टिममा सहभागी भएका वडा भित्रका कूल ७० जना भन्दा बढि युवाहरू मध्य शीर्ष दुइ स्थान हात पार्ने टिमलाई क्रमशः १५ हजार र १० हजार नगदसहित ट्रफी, मेडल र प्रमाण पत्र प्रदान गरिने छ ।
युवा परिचालन तथा सशक्तिकरणको लागि आर्थिक वर्ष २०७८\०७९ को नगर युवा नीति “स्वस्थ, शिक्षित र जिम्मेवार युवाको जाँगर: स्वच्छ शान्त नगर, समृद्ध भविष्यको आधार’ मा केन्द्रित भइ युवाहरूकाे खेलकुदमा विशेष रूचि, मानसिक स्वास्थ्य र उर्जालाइ सम्बाेधन गर्ने गरि याे प्रतियाेगिता संचालन गरिएकाे बताउदै वडा अध्यक्ष श्री कृष्ण आफै पनि खेल मैदानमा उत्रेका छन ।
चुनिखेल युवा परिषदकाे अगुवाइमा आयाेजित यस प्रतियाेगितालाइ वडा कार्यालय लगतायत विभिन्न स्थानीय व्यवसाय तथा व्यक्तिहरूले समेत प्रायोजित गरेका छन ।
