बूढानीलकण्ठ, भाद्र १० गते । बूढानीलकण्ठ नगरपालिकामा दायित्व संस्थाका जनप्रशासन फेलोशिप कार्यक्रम अन्तर्गत कार्यरत फेलोहरुको आयोजनामा भाद्र ११ गते (शुक्रबार) मेयरसँग नागरिक कार्यक्रम हुने भएको छ। यस कार्यक्रममा नगरपालिकाका प्रमुख उद्धव प्रसाद खरेलको प्रमुख आतिथ्यतामा नगरपालिकाका नागरिकहरुसँग छलफल तथा अन्तरक्रिया कार्यक्रम हुने भएको हो।
यस कार्यक्रम ‘नगरपालिकाको योजना तथा नीति निर्माण देखि कार्यान्वयनमा नागरिकहरुको सहभागिता’ मा केन्द्रित रहेर नगर प्रमुख र उपस्थित सहभागिहरुविच छलफल तथा अन्तरक्रिया कार्यक्रम हुनेछ।
उक्त कार्यक्रममा नगरपालिका १५ जना सहभागिहरु रहनेछन्।
कार्यक्रम करिव २ः४५ देखि शुरु हुनेछ। उक्त कार्यक्रममा नगरपालिकामा वार्षिक योजना निर्माण गरिँदा सम्बन्धित निकाय तथा व्यक्तिहरुको सहभागिता र त्यस योजनाहरुको कार्यान्वयनसम्म सोहि नागरिकहरुको के-कस्तो भुमिकाहरु रहन्छ भन्ने विषयमा छलफल हुनेछ।
उक्त कार्यक्रममा उपस्थित तथा सहभागि हुनका लागि सबै वडाका प्रतिनिधिहरुलाई आग्रह गरिएको छ। कार्यक्रमका बारे थप जानकारी तपशिलमा उल्लेख गरिएको छः
समयः दिउँसोको २ः४५ देखि ५ः०० बजेसम्म
स्थानः बूढानीलकण्ठ नगरपालिका सभा हल
