बूढानीलकण्ठ, असार २० गते । बूढानीलकण्ठ नगरपालिकामा कोभिड -१९ विरुद्धको दोश्रो चरणको खोप अभियान भेरोसेल दोश्रो मात्रा खोप सञ्चालन हुन लागेको छ ।
नेपाल सरकार, स्वास्थ्य तथा जनसंख्या मन्त्रालय र जिल्ला खोप समन्वय तथा अनुगमन समितिको निर्णय अनुसार दोश्रो चरणको कोभिड- १९ विरुद्धको खोप अभियान सञ्चालन हुन लागेको हो ।
यस अभियान अन्तर्गत जेष्ठ २५ देखि भेरोसेल खोपको पहिलो मात्रा लगाएका व्यक्तिहरुलाई असार २२ गते देखि असार २४ गते सम्म भेरोसेल खोपको दोश्रो मात्रा लगाईने भएकोले यस अघि पहिलो मात्राको भेरोसिल खोप लगाएका अन्य जोखिम समूहका छुट भएका नगरवासीहरुलाई नगरपलािका जनस्वास्थ्य महाशाखाले खोप केन्द्रमा गई खोप लगाउन अनुरोध गरेको छ ।
खोप बिहान १०:०० बजे देखि दिउसो ४:०० बजेसम्म वडा नं ०३, चपलि घुम्ति स्थित बूढानीलकण्ठ स्वास्थ्य चौकि र वडा नं १३, घट्टगाँउ स्थित करुणा अस्पतालमा लगाईने महाशाखाले जानकारी दिएको छ ।
जनस्वास्थ्यका मापदण्ड पूर्ण पालना हुने गरी लगाईने भएकोले आफुलाई पायक पर्ने खोप केन्द्रमा पहिलो मात्रा खोप लगाएको खोप कार्ड लिएर खोप लगाउन जानु हुन सम्बन्धित सबैमा महाशाखाले अनुरोध गरेको छ ।
खोप लगाउन आउँदा पालनागर्नु पर्ने नियमहरुः
• खोप लगाउन आउँदा पहिलो मात्रा खोप लगाएको कार्ड लिएर खोप केन्द्रमा आउनु पर्नेछ ।
• खोप लगाउन आउँदा पाखुरा खोल्न मिल्ने गरी सजिला कपडा लगाएर आउनु पर्नेछ ।
• खोप केन्द्रमा आउँदा अनिवार्य रुपमा मास्क लगाउने तथा जनस्वास्थ्यका मापदण्ड पालना गर्नु पर्नेछ ।
• निर्धारित समय भन्दा अगाडी विहानै आएर लाइनमा नबसिदिन हुन समेत अनुरोध गरिन्छ ।
• मिति २०७८ / ०३/२४ गते (१ दिन) मात्र यस अघि पहिलो मात्राको भेरोसिल खोप लगाएका अन्य जोखिम समूहका छुट भएका (खोप कार्ड भएका) व्यक्तिहरुलाई मात्र उक्त दिन खोप लगाइने छ ।
थप जानकारीको लागिः
प्रतिमा खरेल (ज.स्वा.अ): बूढानीलकण्ठ स्वास्थ्य चौकी, चपलि घुम्ती, वडा नं. ३ (९८४१३६५३८४)
उपमा दहाल (ज.स्वा.अ): करुण अस्पताल, घट्टगाउँ, चुनिखेल वडा नं १३ (९८४३६३१२२७)
