बूढानीलकण्ठ, ज्येष्ठ १७ ।  बूढानीलकण्ठ नगरपालिका वडा नं १२ द्वारा वडा स्तरिय योजना तथा कार्यक्रम छनौट सम्बन्धि डिजिटल माध्यमको प्रयोग गरि ‘भर्चुअल अनलाईन’ छलफल कार्यक्रम गर्ने भएको छ।

कार्यक्रममा वडा कार्यालयका जनप्रतिनिधि, कर्मचारी तथा वडाका बासिन्दा, संघ-संस्था, बुद्धिजिवी, विज्ञ, खेलाडी लगायतहरुका साथ छलफल हुने भएकाले वडाका विभिन्न व्यक्तित्वहरु, युवा क्लव, संघ-संस्था, खेलाडी लगायतहरुलाई सहभागिता जनाउनका लागि वडा कार्यालयले अनुरोध गरेको छ ।

वडा कार्यालयको सुचना अनुसार छलफल कार्यक्रम जेष्ठ १९ गते बुधवार बिहान ११.३० बजे देखि शुरु हुने छ ।

हरेक वर्ष वडाहरुमा आवश्यक रहेका वार्षिक, पाँच वर्षिय र दिघो लगायतका योजना तथा कार्यक्रमहरुको प्रत्येक वडाहरुमा छलफल हुने गर्दछ। हाल कोभिड १९ को महामारीका कारण उपत्यका तथा विभिन्न स्थानहरुमा निषेधाज्ञा गरिए सँगै भेला तथा छलफलका कार्यक्रमहरु सञ्चालन गर्न निषेध गरिएको छ।  भिडभाड सभा सम्मेलन तथा समुहमा कार्यक्रमहरु सञ्चालन गर्न नमिल्ने भएका कारण डिजिटल माध्यमको प्रयोग अझ सहज हुने भएका कारण सो छलफल कार्यक्रम गरिन लागिएको वडा कार्यालयले बताएको छ ।

कार्यक्रममा सहभागी हुनका लागिः

Meeting ID:936 1663 1476

Passcode: 041797