बूढानीलकण्ठ नगरपालिका नगरकार्यपालिकाको कार्यालयबाट सेवाग्राहीहरु सबैलाई अति आवश्यक भन्दा अन्य सेवा सबै बन्द भएको जानकारी प्राप्त भएको छ ।
बैशाख १६ गते देखि २२ गते सम्म लागु हुने गरी जिल्ला प्रशासन कार्यालय (जि.प्र.का.) को आदेश अनुसार भएको निषेधाज्ञा अवधिभर भिडभाड कम गर्न र कोरोना संक्रमण फैलिनबाट रोक्न नगरपालिकाले यो प्रोटोकल चालु गरेको हो ।
यस अवधिभर नगरवासीहरुलाई घरमै बसेर सुरक्षित मापदण्ड अपनाई अतिआवश्यक भन्दा अन्य काममा घर बाहिर आवत-जावत नगर्न र चोक, टोल, बजारहरुमा भिडभाड कम गर्न नगर प्रमुख उद्धव प्रसाद खरेलले अनुरोध गर्नु भएको छ ।
