बूढानीलकण्ठ नगरपालिकाको सक्रिय युवा क्लब श्री कुमारी युवा क्लबले आफ्नो वार्षिक साधारण सभा सम्पन्न गरेको छ ।
क्लबका अध्यक्ष निरज थापाको सभापतित्व तथा बूढानीलकण्ठ नगरपालिकाका प्रमुख उद्धव प्रसाद खरेलको प्रमुख आथित्यतामा क्लबको दोस्रो साधारण सभा सम्पन्न भएको हो ।
२०७५ सालमा स्थापना भएको क्लबले समाजमा रहेका विकृति हटाउने र खेलकुदमा युवाहरुलाई प्रेरित गरी खेलाडि तथा क्लब सदस्यहरुको उज्वल भविस्यको लागी विभिन्न अवसरहरू प्रदान गर्दै आएको छ ।
निरज थापाको अध्यक्षता, अनिल वाईबा को उपाध्यक्षता मा रहेको कल्बमा सचिव राजकुमार के.सी. , कोषाध्यक्ष रेखा थापा लगायत सुरेन्द्र लामा, सुरज कार्कि, अनिता लामा राम चन्द्र गौतम, आदर्श राज महतो, मधु थापा मगर, सैजिला नगरकोटिको सदस्यता छ ।
क्लबको नयाँ कार्यसमिति केहि हफ्तामै फेरबदल हुने जानकारी अध्यक्ष निरज थापाले दिनुभएको छ ।
आज भएको साधारण सभामा क्लबका सदस्य तथा खेलाडीहरुलाई नगरप्रमुख बाट फुलमाला र खादा लगाई सम्मान गरिएको थियो ।
प्रमुख खरेलले साधारण सभामा संवोधन गर्दै क्लबको अनुरोध तथा आवश्यक्ता अनुसार क्लब भवन बनाउन नगरपालिकाले सहयोग गर्ने प्रतिवद्धता दिनु भयो । उहाँले क्लबलाई यसरीनै सक्रिय भई सामाजिक कार्यहरुमा अघि बढ्न आग्रह गर्नु भएको छ ।
स्थापना काल देखिनै सक्रिय रहेको यस क्लबले समाजिक क्षेत्रमा लागु-औषध दुर्वयशनि विरुद्ध अभियान, सरसफाई कार्यक्रम लगायत खेलकुद क्षेत्रमा फुटसल\फुटबल प्रतियोगिता, ब्याडमिन्टन प्रतियोगिता आयोजना गर्दै उपत्यका तथा जिल्ला स्तरिय प्रतियोगिताहरुमा प्रतिस्पर्धि भुमिकामा क्लबलको उपस्थिति जनाउँदै आएको छ । बिभिन्न खेलकुद प्रतियोगोताको उपाधि हाँसिल गर्दै क्लबले उपत्यकामा परिचित हुने मौका पाईरहेको अवस्था रहेको छ ।
यस संगै क्लबले विश्व भर फेलिएको कभिड-१९ महामारीको कठिन लकडाउन अन्तरालमा राहत वितरण, पिउने पानी वितरण, टोल सुरक्षाका लागि प्रहरी संग समन्वय, रक्तदान, टोल सरसफाई जस्ता उदाहरणिय कार्यहरु गरेको क्लब अध्यक्ष निरज थापाले साधारण सभामा बताउनुभयो ।
दोस्रो साधारण सभामा नगर प्रमुख उद्धव प्रसाद खरेल, वडा नं ०९ कार्यबाहक अध्यक्ष सुमित्रा त्रिपाठि पाण्डे, नेकपा एमाले वडा नं ०९ वडा कमिटि अध्यक्ष गोविन्द कटुवाल , नेपालि काङ्गरेस वडा नं ०९ ईकाई अध्यक्ष शंखर आचार्य, निब्स विद्यालय प्राद्यापक नारायण महतो , कन्ट्रोल एडिक्सन(Control Addiction) संचालक क्षितिज श्रेष्ठ, नेपाल रेडक्रस बाट राधिका श्रेष्ठ लगायत क्लब सदस्य तथा स्तानियको उपस्थिति थियो ।
