बुढानीलकण्ठ नगरपालिकाको आर्थिक ऐन, २०८१ मा विभिन्न शिर्षकहरुमा कर छुटको व्यवस्था भएकाले समयमै कर तिरी छुटको उपयोग गर्नुहुन सम्बन्धीत करदाताहरूको जानकारीका लागि नगरपालिका राजश्व व्यवस्थापन शाखाले सूचना प्रकाशित गरेको छ ।
सूचनामा उल्लेख भए अनुसार चालु आ.व. २०८१/८२ को सम्पत्ति कर, भुमिकर, घरबहाल कर र व्यवसाय कर प्रथम चौमासिक भित्र तिर्न आएमा १५ प्रतिशत छुट दिने प्रावधान ल्याएको छ ।
साथै, आ.व. २०७०/०७१ सम्मको सम्पत्ति करको बक्यौता चालु आ.व. को प्रथम चौमासिक सम्म चुक्ता गर्न आएमा चालिस प्रतिशत (४०%) छुट दिने व्यवस्था गरिएको छ ।
यस्तै आ.व. २०८०/०८१ को एकमुष्ट वार्षिक घर जग्गा बहाल कर चालु आ.व. को भदौ मसान्त सम्म चुक्ता गर्न आएमा सो वक्यौतामा लाग्ने जरिवाना नगरपालिकाले छुट दिने छ ।
एकल महिला, अपाङ्गता भएका व्यक्ति एवम् लैङ्गीक तथा यौनिक अल्पसङ्ख्यक व्यक्तिहरूको समूह/व्यक्तिद्वारा सञ्चालित व्यवसाय दर्तामा लाग्ने कुल रकममा पचास प्रतिशत (५०%) छुट दिने सूचनामा उल्लेख छन् ।
कुन-कुन शिर्षकमा छुट छन्? हेर्नुहोस्….
