बुढानीलकण्ठ, मंसिर १३ गते ।
“खेलकुदको माध्यमबाट स्वस्थ रहौँ, एकताको भाव जगाऔं” भन्ने मुल नाराका साथ देवि स्पोर्ट्स हाउसद्वारा ‘प्रथम देवी स्पोर्ट्स हाउस भेटरन कप २०८१’ फुटसल प्रतियोगिता आयोजना हुन लागेको छ ।
बुढानीलकण्ठ नगरपालिका वडा नं. ०३ सँगको सहकार्यमा स्पोर्ट्स हाउसले मंसिर २१ र २२ गते खेल सञ्चालन गर्न लागेको हो ।
भेटरन कप मार्फत फिटनेश प्रवर्द्धन गर्दै एकता र आत्मियताको भवना सिर्जना गर्ने र मनोरञ्जनात्मक प्रतिस्पर्धाले समाजमा भाईचाराको सम्बन्ध सुदृण गर्ने विश्वास लिएको वडा नं ०३ अध्यक्ष आकाश धितालले बताउनुभयो ।
वडा नं ०३ रुद्रेश्वर चोक स्थित देवि स्पोर्ट्स हाउसको फुटसल मैदानमा हुने उक्त प्रतियोगितामा नगरपालिकाका ४० वर्ष माथि उमेर समुहका स्थायी खेलाडीहरुको समुहले भाग लिन पाउने छन् । आयोजकका अनुसार १ टिममा २ जना सम्म ३५ वर्षका व्यक्तिहरु समेत समावेश गर्न पाईनेछ ।
यस प्रतियोगितामा सहभागी हुन दर्ता शुल्क रु. ३ हजार तोकिएको छ ।
आयोजकका अनुसार प्रतियोगिता ५ ‘A’ शाईड ढाँचामा सञ्चालन हुन्छ । यसको सम्पुर्ण खेलहरू नकआउट चरणमा खेलाईने उनिहरुले बताए।
प्रतियोगिताको विजेतालाई नगद रु. ३० हजार र उपविजेतालाई रु. १० हजार पुरस्कार सहित शिल्ड, मेडल र प्रमाण पत्र प्रदान गरिने छ ।
समुह दर्ता भईरहेकाले ईच्छुक सम्पुर्ण टिमलाई आयोजकले प्रदान गरेको सम्पर्क नं ९८६०१७५७९८, ९८०८३७९८१९ मा सम्पर्क गर्नुहुन आयोजकले जानकारी दिएको छ ।
