बुढानीलकण्ठ, माघ १० गते ।
“उत्साह, एकता, र शक्ति: खेलकूदमा हाम्रो अद्वितीयता!” भन्ने मुल नाराका साथ तेस्रो बुढानीलकण्ठ मेयर कप फुटसल प्रतियोगिता आयोजना हुँदै छ ।
बुढानीलकण्ठ नगरपालिका नगर युवा परिषदको आयोजनामा माघ २८ र २९ गते हुने भनिएको खेल फाल्गुन ८ र ९ गतेलाई सारिएको आयोजकले जनाएको छ ।
प्रतियोगिता संयोजक दिपक तामाङका अनुसार यस प्रतियोगितामा बढि भन्दा बढि टिम सहभागि गराउने हेतुले खेलाडि समुहलाई तयारिको लागी ३ हप्ता समय प्रदान गर्न आयोजक समितिको बैठकले निर्णय गरेको हो ।
खेल संचालन मिति परिवर्तन भएता पनि प्रतियोगिताको ढाँचा र नियम भने जस्ताको त्यस्तै रहेको प्रतियोगिता संयोजक तामाङ्ले जानकारी दिनुभयो ।
जसअनुसार टिम दर्ता अन्तिम मितिमा समेत परिवर्तन भएको हुँदा माघ २९ गते सम्मको मिति भित्र ईच्छुक सम्पुर्ण टिमलाई बुढानीलकण्ठ नगरपालिका स्थित नगर युवा परिषदको कार्यालयमा सम्पर्क गरी दर्ता गर्नुहुन आयोजकले जानकारी दिएको छ ।
वडा नं ०७, गल्फुटार स्थित चौर फुटसल मैदानमा हुने उक्त प्रतियोगितामा नगरपालिकाका स्थायि खेलाडीहरुको समुहले भाग लिन पाउने छन् ।
प्रतियोगिताको खेल संयोजक एवं नगर युवा परिषद सदस्य दिपक तामाङको अनुसार प्रतियोगिता 7 ‘A’ शाईड ढाँचामा सञ्चालन हुन्छ । यसको सम्पुर्ण खेलहरू नकआउट चरणमा खेलाईने उहाँले जानकारी दिनुभयो ।
यस प्रतियोगितामा सहभागी हुन दर्ता शुल्क लाग्ने छैन ।
विजेतालाई नगद रु. ७० हजार र उपविजेतालाई रु. ३५ हजार पुरस्कार सहित शिल्ड, मेडल र प्रमाण पत्र प्रदान गरिने छ भने उत्कृष्ठ खेलाडि र गोल रक्षकले रु. २५ सय पाउने अवधारणा रहेको छ ।
नगर युवा परिषद कार्यकारी उपाध्यक्ष रुपेश भट्टराईका अनुसार नगर खेलकुद गतिविधीलाई सक्रिय बनाउने र नगरपालिकामा रहेका खेलाडि तथा क्लबहरुको प्रोत्साहन गर्ने मुल उद्देश्यका साथ प्रतियोगिता सञ्चालन गर्न लागिएको हो ।
“फुटसल खेलमा सक्रिय रहेका नगरपालिकाको बिभिन्न वडामा रहेका समुहहरुलाई यस प्रतियोगिता मार्फत एकै मैदानमा समेटि खेल माध्यम बाट एकताको भावना सिर्जना गर्ने मुल सोच हो”, उपाध्यक्ष भट्टराईले बताउनुभयो, ” खेल प्रति समर्पित युवाहरुलाई एकबद्द गरी यस नगरपालिकाको एउटा फुटसल टिम तयार गरी अन्य स्थानमा आयोजना हुने प्रतियोगितामा बुढानीलकण्ठ नगरपालिकाको नामबाट सहभागिता जनाई यस नगरको नाम उच्च राख्ने प्रयास गर्न खोजिएको हो ।
टिम दर्ता र थप जानकारीको लागि:
9851002186
9851023962
9803730151
