बुढानीलकण्ठ, मंसिर २६ गते ।
बुढानीलकण्ठ नगरपालिका वडा नं ०६ ईटालिटार स्थित एक रेस्टुरेन्टमा मंसिर २५ गते (सोमबार) संकास्पद पासपोर्टहरु भेटिएका छन् ।
वडा अध्यक्ष रवि खड्काको अनुसार ईटालिटार स्थित रहेको कान्तिपुर फुड ल्याण्ड रेस्टुरेन्ट बन्द गरी त्यसका संचालक विगत २ महिना देखी सम्पर्क विहिन रहेकोले घर धनिको कोठा खालि गरि पाउ भन्ने निवेदनको आधारमा वडा कार्यालय, बूढानीलकण्ठ नगरपालिका (नगर प्रहरी) र महानगरीय प्रहरी प्रभाग बूढानीलकण्ठको रोहवरमा फ्ल्याट खाली गर्ने क्रममा रेस्टुरेन्टको काउन्टरमा संकास्पद रुपमा राखिएको ३४ थान नेपाली पासपोर्ट र ४ थान नेपाली नागरिकता फेला परेको हो ।
फेला परेको पासपोर्टहरु मध्य अधिकांश महिलाहरुको रहेको उहाँले जानकारी दिनुभएको छ ।
भेटिएको पासपोर्ट र नागरिकताको आवश्यक छानबिन र अनुसन्धान गर्नका लागी प्रहरी प्रभाग बुढानीलकण्ठमा बुझाईएको उहाँले बताउनुभयो ।
प्रहरी प्रभाग बुढानीलकण्ठ प्रमुख योगराज खतिवडाका अनुसार यस घटनाबारे थप अनुसन्धान सुरु भएको जानकारी प्राप्त भएको छ ।
