बूढानीलकण्ठ, भदौ ३० गते ।
शिवपुरी युवा क्लबको आयोजना र वडा नं ०४ को सह-आयोजनामा संचालन भएको बूढानीलकण्ठ क्लब च्याम्पियनसिप फुटसल प्रतियोगिता-२०८० को उपाधी वडा नं ०३ को शिवपुरी नव जाग्रित युवा क्लबले जितेको छ ।
भदौ ३० गते शनिबार वडा नं ०४ स्थित पासिकोट फुटसल मैदानमा भएको प्रतियोगिताको फाईनल खेलमा वडा नं ०४ को शिवपुरी युवा क्लबलाई पेनाल्टि शुटआउटमा पराजित गर्दै शिवपुरी नवजाग्रित युवा क्लबले उपाधी हात पारेको हो । फाईनल खेल १-१ गोलको बराबरीमा रोकिए पछि पेनाल्टि सुटआउटमा गएको थियो ।
विजेता र उपविजेता क्लबलाई नगर उपप्रमुख अनिता लामा, वडा नं ०४ अध्यक्ष श्रीराम के.सी. र वडा सदस्य पवन कार्कीले नगद पुरस्कार, ट्रफि र मेडल प्रदान गरी सम्मान गर्नुभएको थियो ।
प्रतियिगितामा विजेता समुहले नगद रु. ४० हजार पाएका छन् भने उपविजेतालाई नगद रु. २० हजार दिईएको थियो ।
यस्तै प्रतियोगिताको उत्कृष्ठ खेलाडिको ट्रफि शिवपुरी युवा क्लबका रजिन कार्की पाए भने र उत्कृष्ठ गोलरक्षकको ट्रफि रुपेश खतिवडाले पाए । उत्कृष्ठ खेलाडि र उत्कृष्ठ गोलरक्षकलाई नगद रु. २५ सय हस्तान्तरण गरिएको थियो ।
प्रतियोगितामा बूढानीलकण्ठ नगरपालिका भित्रका विभिन्न वडाको १८ क्लब सहभागी थिए ।
