बूढानीलकण्ठ नगरपालिकामा २०७८ असार ९ गते आठाैँ नगरसभा संचालन हुन गइरहेकाे छ । कार्यक्रमकाे श्रव्य दृश्य बूढानीलकण्ठ न्यूजकाे फेसबुक पेज मार्फत प्रत्यक्ष प्रसारण गरिने छ ।
संविधानमा र स्थानीय तह संचालन ऐन, २०७४ मा व्यवस्था भए अनुसार प्रत्यक आर्थिक वर्षमा नगरसभाकाे बैठक ६ महिनाकाे अन्तरालमा बस्ने गरेकाे छ, जसलाइ असारे र हिउदे नगरसभा पनि भनिन्छ । असारे नगरसभामा वार्षिक रूपमा हुने आर्थिक कार्यक्रमहरू, बजेट तथा अनुमान पारेत गरि वार्षिक कार्यक्रम तयार गरिन्छ भने हिउँदे नगरसभामा आगामी ६ महिनामा कार्यतालिका अनुसार कार्यक्रमहरूलाई प्रभावकारी तरिकाले संचालन गर्नकाे लागि छलफल गरिन्छ ।
यस आ.व. २०७८/०७९ काे पहिलाे नगरसभा हुन लागेकाे जानकारी गराउँदै, नगरवासीहरूले सल्लाह सुझाव दिन चाहेमा नगरपालिकाकाे उजुरी पेटी अथवा सामाजिक संजाल मार्फत दिनुहुन नगरप्रमुखले हार्दिक अपिल गरेका छन ।
