बुढानीलकण्ठ नगरपालिक र BUILDING Energy Efficiency in Nepal (BEEN) परियोजना बीच मिति २०८१ भाद्र १६ गते, आइतबार साझेदारीपत्र (MoU) मा हस्ताक्षर भएको छ।
नगरपालिकाका प्रमुख मिठाराम अधिकारी, उपप्रमुख अनिता लामा, प्रमुख प्रशासकीय अधिकृत तुल्सीराम अर्याल, पूर्वाधार महाशाखाका प्रमुख सहित काे उपस्थितिमा उक्त परियोजनाका सम्बन्धमा विस्तृत प्रस्तुतिकरण गरिएको थियो।
त्यसका साथसाथै नगरपालिकाभित्र बन्ने अथवा बन्नका लागि तयारी अवस्थामा रहेका विभिन्न योजना परियोजनाका भवन निर्माणमा यस संस्थाद्वारा ऊर्जा प्रभावकारी भवन, यसको आवश्यकता, कार्यान्वयन र आगामी दिनहरुमा गरिने साझेदारीको छलफल गरिएको थियो।
समझदारी पश्चात BEEN परियोजना र नगरपालिकाले क्षमता अभिवृद्धि, बजार प्रणाली, वित्तीय व्यवस्थापन र नीतिगत व्यवस्थामा सहकार्य गर्दै अगाडि बढ्ने समेत कार्यक्रममा छलफल गरिएको थियो ।
