बुढानीलकण्ठ नगरपालिका वडा नं ११ मा दोस्रो वडा अध्यक्ष कप २०८१ सम्पन्न भएको छ ।
वडाको आयोजना र बुढानीलकण्ठ राईट्स को व्यवस्थापनमा जेठ २५ गते (शुक्रबार) बाट उद्घाटन भएको कपमा फुटसल, बुद्धिचाल (चेस) र बास्केटबल खेलहरु समेटिएका थिए । यस कपमा विद्यालय स्तरीय प्रतिस्पर्धा गराईएको आयोजकले जनाएका छन् ।
कपको अवधारणा अनुसार चेस तर्फ पुरुष र महिला गरी ७ वटा विद्यालय सहभागी छन् भने फुटसल पुरुष तर्फ ६ वटा विद्यालय सहभागी भएका छन् । यस्तै महिला बास्केटबल तर्फ ५ विद्यालय सहभागी छन् ।
जसमध्य फुटसल पुरुष तर्फ श्री ग्राम शिक्षा मा.वि. प्रथम भएको छ भने दिक्षालयले दोस्रो स्थान हाँसिल गरेका छन् । तेस्रो स्थानमा भने जनजाग्रिति पर्न सफल भएको छ ।
यस्तै चेस महिलामा दिक्षालय प्रथम भएको छ भने पुरुष तर्फको उपाधी मञ्जुगोक्षले पाएको छ ।
महिला बास्केटबलमा दिक्षालयले प्रथम उपाधी जित्यो भने न्यु मिलेनियम दोस्रो भएको छ र माउन्ट कैलाशले तेस्रो पुरस्कार लागेको आयोजकले जनाएका छन् ।
आज एक विशेष कार्यक्रम मार्फत वडा नं. ११ अध्यक्ष राजु अधिकारी, वडा नं. ०१ अध्यक्ष सुरेन्द्र लामा, वडा नं. ०६ अध्यक्ष रवि खड्का, वडा नं. १२ अध्यक्ष शम्भु प्रसाद भट्टराई र विद्यालयका प्रधानाध्यापकहरुको उपस्थितिमा विजेताहरुलाई शिल्ड, मेडल र प्रमाण-पत्र वितरण गरिएको थियो ।
प्रतियोगिताका सम्पुर्ण खेलहरु वडा नं ११ मा रहेको दिक्षालय स्कुलको प्राङ्गणमा संचालन भएका थिए ।
