बुढानीलकण्ठ नगरपालिका नगर युवा परिषद द्वारा नगर युवा परिषद औपचारीक गठन, सपथ ग्रहण तथा सम्मान कार्यक्रम सम्पन्न गरेको छ ।
नगर युवा परिषदले जेठ १९ गते एक विशेष कार्यक्रम मार्फत २ वर्षे सफल कार्यकाल सम्हालेका बुढानीलकण्ठ १३ वटै वडा युवा परिषदका अध्यक्ष, उपाध्यक्ष सहित सम्पुर्ण पदाधिकारीहरुलाई सम्मान गरी विदाई गरेका छन् भने सोहि समितिमा नव गठित कार्य समितिहरुलाई औपचारिक स्वागत सहित सपथ ग्रहण गराएको छ । सोहि अवसरमा २ वर्षे कार्यकाल सम्हालेका नगर युवा परिषदका कार्यकारी सदस्य र सदस्यहरुलाई समेत सम्मानका साथ विदाई गरिएको थियो ।
नगर प्रमुख एवं नगर युवा परिषद अध्यक्ष मिठाराम अधिकारीको अध्यक्षतामा संचालन भएको कार्यक्रममा विशेष अतिथि बागमति प्रदेश सदस्य माननिय जयराम थापा हुनुहुन्थ्यो भने सम्पुर्ण वडाका वडा अध्यक्ष, कार्यपालिका सदस्य, वडा सदस्य, नगरपालिका प्रमुख प्रशासकीय अधिकृत तुल्सीराम अर्याल, विभिन्न महाशाखा/शाखा प्रमुखहरु लगायत युवाहरुको उपस्थिति रहेको थियो ।
