बुढानीलकण्ठ नगरपालिका सहकारी शाखाले ६७ औं सहकारी दिवस “सहकारीमा सुशासनःप्रविधी र एकिकरण” भन्ने मुल नाराका साथ भव्यरुपमा मनाएको छ ।
दिवसको अवसर पारेर सहकारी शाखाले चैत्र २० गते (मङ्गलबार) गोल्फुटार बास्केटबल कोर्ट देखी नगरपालिका भवन सम्म विशेष प्रभातफेरी कार्यक्रम आयोजना गरेको थियो । प्रभातफेरी कार्यक्रममा नगर प्रमूख र उपप्रमिख सहित नगरभित्र संचालित सम्पुर्ण सहकारी संस्थाहरु आ-आफ्नो संस्थाको ब्यानर सहित उपस्थित भएका थिए ।
प्रभातफेरी कार्यजक्रम नगरपालिका आईपुगेपछि सभाहल स्थित एक विशेष सभामा परिणत भयो । सोहि सभा मार्फतनगरप्रमुख मिठाराम अधिकारीबाट सहकारी दर्पण स्मारिका पुस्तक बिमोचन भएको छ ।
सहकारी दर्पण स्मारिका नगरपालिका कार्यक्षेत्र रहेका सहकारी संस्थाहरुको गतिविधिहरु समेटेर संघीय सरकारको मोडेल (स्वेतपत्र) बमोजिम तयार पारिएको शाखाले जनाएको छ ।
नगरपालिका सभहलमा आयोजित कार्यक्रममा सहकारी संस्था, जनप्रतिनिधि र सहकारी अभियानताहरु विच विशेष अन्तरक्रिया संचालनब भएको थियो । जस अन्तरगत संस्थाहरुबाट आएको प्रतिनिधिमुलक प्रश्न र जिज्ञासाको जवाफ जनप्रतिनिधि र अभियानताहरुले दिएका थिए ।
